ဒီ Website မှာ အကြောင်းကြောင်းကြောင့် ပြည်ပမှာ အထူးသဖြင့် ထိုင်းနိုင်ငံမှာ အခြေချနေထိုင်ချင်တဲ့ မြန်မာလူမျိုးများအတွက် သိထားသမျှကို အခမဲ့ ပြန်လည်မျှဝေပေးဖို့ ဖြစ်ပါတယ်။ သတင်းအချက်အလက်အမှားတွေကြောင့် မလိုအပ်ပဲ နိုင်ငံရပ်ခြားမှာ ပိုက်ဆံတွေ ကုန်ပြီး ဒုက္ခမရောက်ရအောင် ထိုင်းနိုင်ငံမှာ အနေကြာသူ မြန်မာနိုင်ငံသားတွေ သတင်းအချက်အလက် အမှန်တွေကို အခမဲ့မျှဝေပေးခြင်း ဖြစ်ပါတယ်။ ကျနော်တို့ Website မှာ ထိုင်းနိုင်ငံမှာ အလုပ်အကိုင် ရှာဖွေရန် နေရာထိုင်ခင်း အဆင်ပြေရန် Visa နှင့် အခြားကိစ္စရပ်များ စသည်တို့ကို ရေးသားပေးသွားမှာ ဖြစ်ပါတယ်။ လာရောက်ဖတ်ရှုပြီး အဆင်ပြေနိုင်ကြပါစေ။
ထိုင်းက အလုပ်အကိုင် အခွင့်အလမ်း ထိုင်းမှာ Covid နောက်ပိုင်း IT သမားတွေ အခွင့်အလမ်း အရမ်းကောင်းလာပါတယ်။ ထိုင်းအစိုးရက သူတို့ IT Sector တိုးတက်အောင် နိုင်ငံတော်အဆင့် Strategy ချပြီးကို အကောင်အထည်ဖော်နေတာပါ။ အဓိကကတော့ ထိုင်းနိုင်ငံသားတွေ IT Sector မှာ ပိုပြီး တိုးတက်အောင် အတွေ့အကြုံရှိတဲ့ နိုင်ငံခြားသား Talent တွေကို ထိုင်းမှာ လာအလုပ်လုပ်ချင်အောင် အမျိုးမျိုးဆွဲဆောင်ထားပါတယ်။ အရင်က နိုင်ငံခြားသားကို ထိုင်းမှာအလုပ်ခန့်ချင်ရင် ထိုင်း ၄ ယောက်ခန့်ပြီးမှ နိုင်ငံခြားသား တယောက်ခန့်လို့ရပါတယ်။ အခုကတော့ BOI လို့ခေါ်တဲ့ Board of Investment ကို တည်ထောင်ပြီး Visa အသစ်တွေ ၃ ၄ မျိုး အသစ်ထုတ်ပြီး BOI Visa တွေ ထုတ်ပေးပါတယ်။ BOI အောက်က Company တွေက ထိုင်း ၄ ယောက် နိုင်ငံခြားသားတယောက် ဥပဒေကို လိုက်နာစရာမလိုတော့ပါဘူး။ BOI Company တွေ ပြန်လုပ်ပေးရတာကတော့ အလုပ်ခန့်လိုက်တဲ့ နိုင်ငံခြားသားက ထိုင်းနိုင်ငံကို ဘာတွေ အကျိုးအမြတ် ယူလာပေးမလဲ။ ထိုင်းနိုင်ငံသားတွေ အကျိုးရှိအောင် ဘာတွေ သင်ပေးနိုင်မလဲဆိုတာ BOI ကို ပြန်လည် တင်ပြရပါတယ်။...